«Манас» уюму

Иса Байбеков атындагы жалпы билим берүү орто мектебинде «Манас», «Семетей» жана «Сейтек» уюмдарына мектептин алдыңкы окуучуларын кабыл алуу иш-чарасы өткөрүлдү. Иш-чарага Сын-Таш айыл өкмөтүнүн башчысы Джолдошев Максат Таалайбекович, айыл башчысы Аманбаев Тимур Аманбаевич, ардактуу атуулдар Абдиева Күлүмкан, Момбекова Бакиса, ата-энелер комитетинин башчысы Быржыбаева Жамиля катышышты. Айыл өкмөтүнүн башчысы мектепке интерактивдүү такта менен панель тапшырды. Окуучулар «Семетей» эпосунан үзүндүнү сахналаштырышып, «Манас» эпосунан айтышты, 9-класстын окуучусу Жаныбаева Тахмина «Айкөл Манас» ырын ырдап, 10-класстын бийчи кыздары кыргыздын улуттук бийин бийлешти.